محەمەد حەلبووسی، سەرۆكی ھاوپەیمانیی تەقەدوم، پێش نیوەڕۆی ئەمڕۆ گەیشتە هەولێر.
بەپێی ڕاپۆرتی زایەڵە، هێمن هەوارمی جێگری سەرۆکی پەرلەمانی کوردستان لە فرۆکەخانەی هەولێر پێشوازیی لە محەمەد حەلبووسی، سەرۆكی ھاوپەیمانیی تەقەدوم و شاندی یاوەری کرد.
ناوبراو پاشان چوو بۆ دیداری مەسعود بارزانی سەرۆکی پارتی و بڕیارە لەگەڵ ژمارەیێک لە بەرپرسانی باڵای ھەرێمی كوردستان كۆببێتەوە.
ئامانجی ئەم سەردانە گفتوگۆ له‌باره‌ی پێكهێنانی حكوومه‌تی نوێی عێراقە.
بریارە سبەی ئەنجوومەنی تازەھەڵبژێردراوی نوێنەرانی عێراق كۆببنەوە و سوێندی یاسایی بخۆن و دواتر سەرۆكی ئەنجوومەنەكەش ھەڵبژێرن.
