بەڕێوەبەرایەتیی پۆلیسی پارێزگای دهۆک دەستگیرکردنی کارمەندی کۆمپانیایەکی راگەیاند بە تۆمەتى دزینى بڕى 60 هەزار دۆلار لەو کۆمپانیایە.
بەپێی ڕاپۆرتی زایەڵە، هێمن سلێمان، وتەبێژی پۆلیسی پارێزگای دهۆک رایگەیاند: "تۆمەتبارێکیان دەستگیکردووە کە بڕی 60 هەزار دۆلاری لەو کۆمپانیایە دزیوە کە کاری لێکردووە".
ئاماژەی بەوەش کرد: "ئەو کەسە جێگەى متمانەى زۆرى خاوەنى کۆمپانیاکە بووە و شوقەیەکیشى پێداوە بۆ مانەوەى، بەڵام ئەو دزی لە کۆمپانیاکە کردووە".
وتەبێژی پۆلیسی دهۆک باسی لەوەشکردووە: "تۆمەتبار بە فەرمانی دادوەری لێکۆڵینەوە راگیراوە و دۆسیەی لێکۆڵینەوەش بۆ رووداوەکە کراوەتەوە".
