قایمقامی سەیدسادق دڵنیای دەداتە هاوڵاتیان کە هیچ مەترسیەک لەسەر خۆراک نیە.
دیاری ڕەفیق قایمقامی قەزای سەیدسادق زایەڵەی ڕاگەیاند، هاوڵاتیان دڵنیا دەگەینەوە کە هیچ مەترسییەک لەسەر خۆراک نیە و لیژنەی ئاسایشی ئابوریمان ڕاسپاردوە بۆ چاودێری کردنی بازار و بازرگانان، ھەر بازرگانێك يان كۆگايەك بيەوێت قۆرغكارى بكات بەشاردنەوەی خۆراک و شتومەک یان گران کردنی بە بێ هۆکار و بۆ مەبەست و مەرامى تايبەتى خۆى، رێكارى ياسايى توندی بەرامبەر دەگيرێتەبەر و شوێنەکەی دادەخەین .
ناوبراو وتیشی، داواکارین لە ھاوڵاتيان لە هەر شوێن وجێگایەک هەستیان بەگران فرۆشی و قۆرغکاری کرد ، دەستبەجێ لیژنەکانمان ئاگاداربکەنەوە ، وە پەلە نەكەن لە كڕينى رۆن و برنج و پێداویستییەکانی دیکە لە ماددە خۆراکییەکان، بەمەش خواست كەم دەبێتەوە و نرخ دادەبەزێت .
کامەران کەریم
