عەرەبستان مەرجی سەرەکی بۆ بەجێهێنانی حەج لەمساڵدا ئاشکرا کرد.
بەپێی ڕاپۆرتی زایەڵە، وەزارەتی حەج و عومرەی عەرەبستان، وەرگرتنی یەکێک لە ڤاکسینە متمانەپێکراوەکانی کۆرۆنای کردە مەرجی سەرەکی بۆ بەجێهێنانی فەریزەی حەجی ئەمساڵ.
وەزارەتی حەج و عومرەی عەرەبستان (8ی ئایاری 2022) لە ڕوونکردنەوەیەکدا دەڵێت، دەبێت ئەو ڤاکسینانە متمانەپێکراوی وەزارەتی تەندروستیی سعودیە بن.
ئاماژەی بەوەش کردووە؛ لە ماوەیەکی نزیکدا دەرگای خۆبەخشی بۆ خزمەتکردنی میوانانی ماڵی خوا دەکرێتەوە لەڕێگەی سەکۆیەکی نیشتمانیی خۆبەخش.
