کتێبی (ڕوونبێژی لەشیعرەکانی ئەحمەدموختار جاف ) بڵاوکرایەوە

ئەمڕۆ لەپارێزگای هەڵەبجە ، مەراسیمی ناساندن  و بەخشینی کتێبی ( ڕوونبێژی لەشیعری ئەحمەد موختار جاف )  لەنوسینی ( د، هێمن کەریم ) لەهۆڵی ڕۆشنبیری لەبەڕێوەبەرایەتی گشتی ڕۆشنبیری و هونەر ئەنجامدرا .

د، هێمن  کەریم  ، خاوەنی کتێبی ڕوونبێژی لەشیعری ئەحمەد موختار جاف لە لێدوانێکی  تایبەتدا   بە زایەڵەی  ڕاگەیاند  ، ئەم کتێبە یەکێکە لەوکتێبە بەپێزانەی  ئەمڕۆ گرنگی و تایبەتمەندی خۆی  هەیە  ،بۆنمونە ڕەوان بێژی لەچەند بابەتێکی سەرەکی  پێکدێت  ڕوونبێژی واتاناسی  عیلمی جوانکاری من باسی ئەوەم کردووە ڕوونبێژی لای ئەحمەد موختار جاف چەند کاریگەری هەیە ،شیعریەتی بەدەقە شیعریەکان  داوە .

وتیشی ، ئەم شاعیرە هاتووە زۆر جوان و بەڕاشکاوانە توانیویەتی هەموو لێکچواندنەکان  تاڕدەیەک نزیکەی  ٣٥ جۆر لێکچواندن لەشیعرەکانی بەدی بکرێت .توانیویەتی هونەری لێکچواندن بەرجەستەبکات شارەزا بووە لە عیلمی بەیان شارەزا بووە لە ڕەوانبێژی ، زمانی  خوازەی زۆر بەکار هێناوە چونکە ئەو سەردەمە نەیتوانیوە بەڕاشکاوی ڕووبەڕووی ستەمەکانی دەوڵەتانی داگیرکاری تورک و ئێنگلیز بوەستێتەوە .

ڕونیشیکردەوە ، لەبەشێکی دیکەی کتێبەکە خوازەیە وەخوازەی ژیری دواجار خواستن دروست دەبێت ،شاعیر هێندە کارامە بووە توانیویەتی خواستە  دروست بکات لەدەقە شیعریەکان ، بەشی  سێهەمی کتێبەکە  درکەیە یەکێکە لەهونەرەکانی  ڕەوان بێژی کەکرۆکی ڕوون بێژییە  .

سازدانی  - کامەران  کەریم