نەوتی سپی لە پێنجوێن دابەش دەکرێت

زایەڵە - قائیمقامیه‌تی پێنجوێن رایگه‌یاند، سبه‌ی چوارشه‌ممه‌ یه‌كه‌م قۆناغی نه‌وتی سپی ده‌گاته‌ قه‌زاكه‌یان و راسته‌وخۆ ده‌ست به‌ دابه‌شكردنی ده‌كه‌ن.

له‌ڕاگه‌یه‌ندراوێكدا قائیمقامیه‌تی پێنجوێن بڵاویكردەوە، ئاگاداری دانیشتوانی قەزایی پێنجوێن و هەردوو تاحیەی گەرمک و ناڵپارێز دەکەین کە ڕۆژی چوار شەممە بەرواری(7-12-2022)یەکەم وەجبەی نەوتی سپی دێت بۆقەزای پێنجوێن وبەسەرهاوڵاتیاندا دابەش دەکرێت.

ئاماژەیان بەوەشدا، پێویسته‌ هاوڵاتیان ئه‌م خاڵانه‌ له‌به‌رچاوبگرن:

یه‌كه‌م: به‌ كارتی سوته‌مه‌نی( پێنجوێن كۆدی 283) وكۆپی ناسنامه‌ یاخود هه‌ر به‌ڵگه‌نامه‌یه‌كی تری فه‌رمی نه‌وته‌كه‌ ده‌درێت به‌هاوڵاتیان.

دوه‌م: نرخی یه‌ك به‌رمیل نه‌وت به ‌(103500) ته‌نها 103 هه‌زار 500 دینار ده‌درێت به‌هاوڵاتیان بڕی نه‌وته‌كه‌ش 200 لیتره‌.

سێیه‌م: به‌چه‌ند قۆناغێك دابه‌ش ده‌كرێت.

قائیمقامیه‌تی پێنجوێن داواشی له ‌هاوڵاتیان كردووه‌ ته‌نها له‌ گه‌ڕه‌كی خۆیاندا به‌رمیلی نه‌وت ڕیزبكه‌ن، له‌گه‌ڕه‌كی (كانی گوێژه‌وه‌ ده‌ست پێده‌كات به‌ڕیزبه‌ندی ده‌چێت بۆ گه‌ڕه‌كه‌كانی دیكه‌ی ناو پێنجوێن و ناحیه‌ی گه‌رمك و ناڵپارێز.

ئامادەکردنی- کامەران  کەریم