ناوەڕۆکی کۆبوونەوەکەی مەسعود بارزانی و بەرهەم ساڵح
(0)
بەپێی ڕاپۆرتی زایەڵە، ئەمڕۆ پێنجشەممە ٢٩ـی نیسانی ٢٠٢١ بارەگای بارزانی راگەیێندراوێکی لەبارەی کۆبوونەوەکەی نێوان مەسعود بارزانی سەرۆکی پارتی دیموکراتی کوردستان و بەرهەم ساڵح، سەرۆک کۆماری عێراق بڵاوکردووەتەوە.
لە راگەیێندراوی کۆبوونەوەکە هاتووە دوایین گۆڕانكاری و پێشهاتە سیاسییەكانی گۆڕەپانی عێراق تاوتوێ كرا و بیروڕا لەبارەی پڕۆسەی سیاسیی عێراق و هەڵبژاردنەكانی داهاتوو و تەحەددیاتی بەردەم پڕۆسەی سیاسیی عێراق ئاڵوگۆڕ كرا.
هەر لەو دانیشتنەدا رۆشنایی خرایە سەر پەیوەندییەكانی نێوان هەرێم و بەغدا و، چارەسەربوونی كێشەكانی نێوان هەرێم و بەغدا و هەماهەنگیی نێوانیان، وەك فاكتەرێك بۆ سەقامگیریی و بووژانەوەی سەرجەم بەشەكانی عێراق لە قەڵەم درا.
بارودۆخی سیاسیی هەرێم و پەیوەندیی نێوان لایەنەكانی هەرێم تەوەرێكی تری ئەو دانیشتنە بوو.
تێبينيێك بنێرە: