جارێكی دیكە هێرشكرایەوە سەر هێزەکانی ئەمریکا لە عێراق
(0) /
زایەڵە - میدیاكان بڵاویان كردەوە، درەنگانی شەوی ڕابردوو گرووپە چەكدارەكانی عێراق لە ڕێگەی دوو فڕۆكەی بێفڕۆكەوانی بۆمبڕێژكراوەوە، هێرشیان كردە سەر بنكەی ئاسمانی عەین ئەسەد لە ڕۆژئاوای عێراق.
دەشڵێن، تا ئێستا دیار نییە هێرشەكە لەلایەن کام لایەنەوە ئەنجامدراوە، بەڵام هیچ زیانێكی گیانی لێ نەكەوتووەتەوە.
دوای بەڵێنی سوودانی بۆ گرووپە چەكدارەكانی عێراق، كە هێزەكانی هاوپەیمانان لە عێراق دوور دەخاتەوە، ماوەی چەند مانگێكە هێرشی گرووپەكانی سەر بە مقاوەمەی ئیسلامی عێراق بۆ سەر بنكەكانی هاوپەیمانان وەستا بوو، بەڵام دوو ڕۆژ پێش ئێستا دووبارە هێرشەكانی دەستی پێكردەوە.
کامەران کەریم
تێبينيێك بنێرە: