بەغدا: ئاماده‌ین كێشه‌ ته‌كنیكی و به‌ربه‌سته‌ داراییه‌كان له‌گه‌ڵ هەولێر چاره‌سه‌ر بكه‌ین

(0) / / عراق / زایەڵە ئیحسان عه‌بدولجه‌بار عێراق كه‌مال ئه‌ترووشی

Aug 09, 2021

قەبارەی فۆنت:

وه‌زیری نه‌وتی عێراق ئاماده‌یی وه‌زاره‌ته‌كه‌ی بۆ لابردنی ته‌واوی كێشه‌ و به‌ربه‌سته‌ ته‌كنیكی و داراییه‌كان و هه‌روه‌ها كردنه‌وه‌ی لاپه‌ڕه‌یه‌كی نوێ له‌گه‌ڵ هه‌رێمی كوردستان ده‌رده‌بڕێت.

بەپێی ڕاپۆرتی زایەڵە، ئیحسان عه‌بدولجه‌بار، وه‌زیری نه‌وتی عێراق له‌ میانەی كۆبوونه‌وه‌ی له‌گه‌ڵ كه‌مال ئه‌ترووشی وه‌زیری سامانه‌ سروشتییه‌كانی حکومەتی هه‌رێمی كوردستان له‌ به‌غدا رایگه‌یاند "به‌ گوێره‌ی ده‌ستوور ئاماده‌ین كێشه‌ ته‌كنیكی و به‌ربه‌سته‌ داراییه‌كان له‌گه‌ڵ وه‌زاره‌تی سامانه‌ سرووشتییه‌كان چاره‌سه‌ر بكه‌ین، ئه‌مه‌ش له‌پێناو پاراستنی سامانی نیشتمانی كه‌ موڵكی گه‌لی عێراقه‌".

وه‌زیری نه‌وتی عێراق خوازیاریشە‌ كه‌ لاپه‌ڕه‌یه‌كی نوێ له‌ گفتوگۆی جددی بكرێته‌وه‌، بۆ چاره‌سه‌ركردنی كێشه‌ هه‌ڵپه‌سێردراوه‌كان، ئه‌مه‌ش به‌گوێره‌ی ده‌ستوور و خزمه‌تكردنی خەڵکی عێراق.

لای خۆیه‌وه‌ وه‌زیری سامانه‌ سروشتییه‌كان جه‌ختی له‌سه‌ر گرنگی كاركردن له‌گه‌ڵ وه‌زاره‌تی نه‌وتی فیدڕاڵی و كردنه‌وه‌ی ئاسۆیه‌كی نوێ له‌ په‌یوه‌ندی دوو لایه‌نه‌ کردوەتەوە.

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.