Sep 14, 2021

قەبارەی فۆنت:

وتەبێژی وەزارەتی دەرەوەی کۆماری ئیسلامی ئێران ڕایگەیاند، هەڵگرتنی ڤیزا لە نێوان ئەو وڵاتە و عێراق تەنها بۆ گەشتی ئاسمانییە.
بەپێی ڕاپۆرتی زایەڵە، سەعید خەتیب زادە وتەبێژی وەزارەتی دەرەوی کۆماری ئیسلامی ئێران لە پرێس کۆنفڕانسی حەوتانەی ڕایگەیاند، بەگوێرەی ئەو ڕێککەوتنەی لەنێوان عێراق و ئێراندا کراوە، تەنها ئەو کەسانەی لە ڕێگەی گەشتی ئاسمانییەوە گەشت دەکەن پێویستیان بە ڤیزا نییە.
هاوکات ئیرەج مەسجدی باڵیۆزی ئێران لە بەغدا وێڕای ڕاگەیاندی هەمان هەواڵ، وتیشی، "پێدەچێت لە داهاتوودا و ئەگەر پەتای کۆرۆنا کۆنترۆڵ کرا و بارودۆخەکە باش بوو، ئەوا هەڵگرتنی ڤیزا گەشتی وشکانیش بگرێتەوە."
یەکشەممە 12ی ئەیلولی 2021، مستەفا کازمی، سەرۆک وەزیرانی عێراق و ئایەتوڵڵا ئیبراهیم ڕەئیسی، سەرۆک کۆماری ئێران لە تاران کۆبوونەوە.و لە پرێس کۆنفڕانسی هاوبەش هەڵگرتنی ڤیزا لە نێوان دوو وڵاتیان ڕاگەیاند.

یەکەم کەس بە بۆ ناردنی تێبینی.

هەڵگرتنی ڤیزا لە نێوان ئێران و عێراق تەنها بۆ گەشتی ئاسمانییە