نرخی زێڕ زیاتر لە 40 دۆلار بەرزبووەوە
(0) /
زایەڵە - بەرزبوونەوەی نرخی زێڕ کە لە ناوەڕاستی هەفتەی ڕابردووەوە دەستیپێکردووە بەردەوامە و لە ماوەی چوار ڕۆژی ڕابردووشدا هەر ئۆنسەیەک زیاتر لە 40 دۆلار بەرزبووەوە، هاوکات نرخی نەوتیش لە ئاستێکی بەرزدا ماوەتەوە.
ئەمڕۆ پێنجشەممە، نرخی ئۆنسەیەک زێڕ لە بازاڕەکانی جیهاندا گەیشتە دوو هەزار و 362 دۆلار، ئەمەش لە کاتیكدایە کە سەرەتای ئەم هەفتەیە نرخەکەی دوو هەزار و 318 دۆلار بوو.
هەڵکشانی نرخی زێڕ لە ناوەڕاستی هەفتەی ڕابردووەوە دەستی پێکرد کاتێک هەر ئۆنسەیەک لە دوو هەزار و 294 دۆلارەوە گەیشتە دوو هەزار و 340 دۆلار، پێش ئەوەی جارێکی دیکە بەرەو دوو هەزار و 320 دۆلار دابەزێت.
لەلایەکی دیکەشەوە نرخی نەوت لە ئاستێکی بەرزدا ماوەتەوە و ئەمڕۆ نرخی بەرمیلێک نەوتی خاوی برێنت بە 86 دۆلار و 84 سەنت و بەرمیلێک نەوتی خاوی ئەمریکیش بە 83 دۆلار و 32 سەنتەوە مامەڵەی پێوە دەکرێت.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: