ئێران: تاکە ڕێگای پێش خستنی بەرجام نەهێشتنی گەمارۆ نایاساییەکانە لەلایەن ئەمریکاوە

بەپێی ڕاپۆرتی زایەڵە، "سەید عەباس عێراقچی" جێگری سیاسی وەزارەتی کاروباری ئێران و سەمیستۆکلیس دەمیریس" سکرتێری گشتی وەزارەتی دەرەوەی یۆنان وتووێژییان لەسەر دوایین گۆڕانکارییەکانی ‌‌پەیوەست به بەرجام و پەیوەندییە دوو قۆڵییەکانی نێوانیان کرد.

جێگری سیاسی وەزارەتی کاروباری دەرەوەی کۆماری ئیسلامی ئێران سەرەڕای نکۆڵی نەکردنی گرنگی پاراستنی بەرجام وەکوو دەسکەوتێکی سەردەمییانە، گەڕانەوەی بێ مەرجی ئەمریکا بۆ بەرجام و هەڵوەشاندنەوەی بەتەواوێتی گەمارۆکانی بە مەرجی سەرەکی بۆ پابەند بوونی بەتەواوێتی بەڵێنەکانی بەرجامی کۆماری ئیسلامی ئێرانی زانی و جەختی لەوە کردەوە کە: هەنگاوی ئێران لە کەمکردنەوەی پابەندییە ناوەکییەکانی خۆی بەپێی مادەکانی بەرجام بووە و لە کاردانەوەی نەبردنەسەری بەڵێنەکانی ئەمریکا و ئەورووپا ڕوویداوە.

ناوبراو وتی ڕاگەیاندنی پابەندییەکانی سێ وڵاتی فەرەنسا و ئینگلیز و ئەڵمانیا بەس نیە و هەروەها وتیشی: دان بەخۆدا گرتنی کۆماری ئیسلامی ئێران لە ماوەی

چوار ساڵی ڕابردوودا گرنگترین فاکتەری پاراستنی بەرجام بووە.