ئەنجومەنی مامۆستایانی ناڕازی:یەكەم ڕۆژی جەژن لە سەرجەم شارو شارۆچكەكان لەسەر شەقام دەبین

ئەنجومەنی مامۆستایانی ناڕازی ئاشکرایدەکەن کەیەکەم ڕۆژی جەژنی ڕەمەزان لەسەر شەقام دەبین وەک دەربڕینی ناڕەزایەتی لەبەرامبەر جێبەجێ نەکردنی داواکاریەکانمان .

بەپێی  ڕاپۆرتی زایەڵە ئەنجومەنی سەرتاسەری مامۆستایانی ناڕازی ڕایانگەیاند:وەک هەمووان ئاگادارن دادگای تەمیز بڕیارێکی ستەمکارانەی دەرحەق بەدەستگیرکراوانی بادینان پەسەندکرد، خراپترین و زاڵمترینی کاربەدەستەکان لە کاتی نزیک بوونەوەی جەژن و بۆنەکان بڕیاری لێبوردن بۆ تاوانباران دەردەکەن، بەو بڕیارەیان بەرامبەر بە ژمارەیەک مرۆڤی بێتاوان ، دەسەڵاتداران سەلماندیان لە زاڵمترینی  سیستەمی حکومڕانی سەرزەوی خراپترن،

بۆیە لەم ڕوانگەیەوە داوادەكەین

١ـ بڕیاری ستەمکارانەی دادگای تەمیز دەرحەق بە دەستگیراوانی بادینان هەڵبەوەشێتەوە و دەستگیرکراوان ئازاد بکرێن .

٢- داواکارین ئەو دەستگیرکراوانەی دادگایی نەکراون، لەگەڵ مامۆستا بەدەل بەرواری  ،پێش جەژنی ڕەمەزانی پیرۆز ئازاد بکرێن ئەگەر بە کەفالەتیش بێت بۆ ئەوەی جەژن لەناو ماڵ و منداڵیاندا بکەن .

ڕونیشکراوەتەوە  ، لە کۆتاییدا ڕای دەگەیەنین

لە ئەگەری جێ بەجێ نەکردنی داواکارییەکانمان و ئازاد نەکردنی دەستگیرکراوان، ئێمەش یەکەم ڕۆژی جەژن کاتژمێر ١٠ی سەرلەبەیانی لە سەرجەم شارو شارۆچکەکان لەسەر شەقام دەبین .

کامەران کەریم