١٠٠ هەزار گەشتیار لە جەژندا ڕوویان لە دوکان کردووە

سیروان سەرحەد قائیمقامی دوکان ڕایگەیاند لە جەژندا١٠٠ هەزار گەشتیار ڕوویان لە قەزاکە کردووە.
بەپێی  ڕاپۆرتی زایەڵە، سیروان سەرحەد قائیمقامی دوکان ڕایگەیاند، لە سێ ڕۆژی جەژندا نزیکەی ١٠٠ ھەزار گەشتیار و ھاوڵاتی روویان لە ناوچە گەشتیارییەکانی سنوری دوکان کردووە.
ڕاشیگەیاند: یەک رووداوی خنکان لە سنوری ئاوی دوکاندا تۆمارکراوە، کە گەشتیارێکی عەرەب بووەو تەرمەکەشی بە کەمتر لە کاتژمێرێک دۆزراوەتەوە.
وتیشی،  شارەوانی و کۆمپانیای پاککەرەوە توانیویانە زیاتر لە (٦٠) تەن خۆڵ و خاشاک کۆبکەنەوە.رووداوەکانی هاتوچۆ لە رۆژانی جەژندا هاتوچۆ بەمشێوەیە بوون:
 ٦رووداوی وەرگەڕان
 ٤ رووداوی پێکدادان
 ١ رووداوی شێلان
 بەکۆی گشتی (١١) رووداوی هاتوچۆ رویداوەو بەهۆیانەوە (٢) کەس گیانیان لەدەستداوەو (٩) کەس برینداربوون.
کامەران کەریم