سەرکردەیەکی بەرەی عەرەبی کەرکوک: گەڕانەوەی هێزە کوردییەکان بۆ کەرکوک ڕەتدەکەینەوە

بەپێی ڕاپۆرتی زایەڵە، لەوبارەیەوە نەسیر عوبێدی، سەرکردەی بەرەی عەرەبی رایگەیاند، دامەزراندنی بنکەی هەماهەنگی هاوبەشی  نێوان سوپای عێراق و هێزەکانی پێشمەرگە لەکەرکوک سەرەتایەکە بۆ گەڕانەوەی هێزە کوردییەکان بۆ پارێزگاکە.

وتیشی: حزبە کوردییەکان دەیانەوێت ئەم بابەتە بەسودی سیاسی خۆیان بەکاربهێنن بەتایبەت لەگەڵ نزیکبوونەوەی وادەی بەڕێوەچوونی هەڵبژاردنی پێشوەختەی عێراق.

عوبێدی باسی لەوەشکرد، ئەم بابەتە بەتەواوەتی رەتدەکرێتەوە و گەڕانەوەی هێزە کوردییەکان بۆ کەرکوک سەرەتایەکە بۆ شێواندنی ئاشتی کۆمەڵایەتی کەرکوک و دەبێتەهۆی دروستکردنی فیتنەی گەورە لەنێوان پێکهاتەکان.

پێشتریش عەبدولخالق تەڵعەت، نوێنەری هەرێم لەسەرکردایەتی ئۆپەراسیۆنە هاوبەشەکان رایگەیاند، هەماهەنگی هەیە بەمەبەستی پێکهێنانی چوار ژووری هاوبەش لەنێوان سوپای عێراق و پێشمەرگە.