ماڵئاوایی جان ئیسنێر لەگەڵ جیهانی تێنیس

Aug 24, 2023

زایەڵە ـــ تێنیسۆری پێشووی ژمارە هەشتمی جیهان پاش پێشبڕکێیەکانی گرەندئسلمی ئەمریکای 2023 لەگەڵ جیهانی وەرزشی پیشەیی مالئاوایی کردووە.

جان ئیسنێر تێنیسۆری ئەمریکایی دەڵێت کە پاش پێشبڕکێیەکانی گرەندئسلم، ئەوا بڕیاری داوە لەگەڵ جیهانی وەرزش ماڵئاوایی بکات.

تێنیسۆری ژمارە هەشتمی پێشووی جیهان دەڵێت: پاش 17 ساڵ ئامادەبوون لە تورنۆمێنتەکانی ATP، هەست دەکەم کاتی ماڵئاوایی لە تێنیسی پیشەیی گەیشتووە، بێگومان ئەو گۆڕانکارییە ئاسان نییە، بەڵام من چاوەڕوانی ئەوە دەکەم هەموو چرکەساتەکانی ژیانم لەگەڵ بنەماڵە تێپەڕ کەم و گرەند ئسلمی ئەمریکا دوایین تورنۆمێنی من دەبێ.

ئیسنێر لە خولی پیشەیی خۆیدا 16 عینوانی تاکەکەسی ATP بەدەست هێناوە و لە ساڵەکانی 2018 گەیشتە قۆناخی نیوەدوایینی پێشبڕکێیەکانی گرەند ئسلمی ڤیمبلدون.

ئامادەکردن:کەژاڵ حەمیدی