زیاتر لە دوو ملیۆن موسڵمان ئەمساڵ بوونە حاجی
(0) /
زایەڵە - ڕۆژی شەممە، حاجییانی ماڵی خوا لە کێوی عەرەفات وەستان و دواتر چوونە موزدەلیفە، لەپاش نزا کردن لە موزدەلیفە، بەردیان بۆ ڕەجم کردنی شەیتان کۆکردەوە.
لە نیوەی شەویشەوە حاجییان بە شێوەی کاروان نزیکەی سێ ملیۆن و نیو کیلۆمەتریان بەپێ بڕی و لە ناوچەی جەمەرات حەوت بەردیان گرتە شەیتانی گەورە.
دوای ڕەجم کردنی شەیتان حاجییان بەپێ گەڕانەوە بۆ کەعبە و تەوافیان کرد و لە پاشان سەریان تاشی و کۆتاییان بە ئیحرام ھێنا.
بەم شێوەیەش حاجییانی ماڵی خوا بۆ ئەمساڵ کە ژمارەیان زیاتر لە دوو ملیۆن کەسە، ئەرکانەکانی فەریزەی حەجیان بەجێھێنا و بوونە حاجی، بەشێکیش لە حاجییان بۆ نوێژی بەیانی و نوێژی جەژن لە کەعبە مانەوە.
کامەران کەریم
تێبينيێك بنێرە: