٧٠ دۆنم پوش و پاوان لە سنوری ماوت سوتا
(0) /
زایەڵە - بەهۆکارى ئاگرکەوتنەوە لە سنورى ماوەت (٧٠) دۆنم پوش و پاوان سوتا.
بەهۆى بەرزبوونەوەى پلەکانى گەرماو کەمتەرخەمى خەمساردى هەندێک لە هاووڵاتیان ڕووداوەکانى ئاگرکەوتنەوە ڕوویان لە زیادبوون کردوە ، هەر بەو هۆکارەش (٧٠) دۆنم لە پوش و پاوان و دارستانى سروشتى سوتاوە .
پۆلیسی دارستان و ژینگی سلێمانی ڕاگەیاند ، دواى ئەوەى لەلایەن دانیشتوانى گوندى (سەرگەڵو ) ئاگادارکرانەوە کە ئاگرێکى بەرفراوان کەوتۆتەوە دەست بەجێ مەفرەزەکانى بەشى پۆلیسى دارستان و ژینگەى ماوەت گەیشتنە شوێنى ڕووداوەکە توانیان بە هەماهەنگى لەگەڵ ئاگرکوژێنەوەى ماوەت لەماوەیەکى کەمدا ئاگرەکە کۆنترۆڵ بکەن زیانى ئاگرەکە (٧٠) دۆنم پوش و پاوان و دارى سروشتى لەگەڵ (٣) دۆنم ڕەزو باخ سووتاوە ، هۆکارى ئاگرەکە نادیارە .
لێکۆڵینەوەو بەدواداچوون بەردەوامە .
ئامادەکردنی- کامەران کەریم
تێبينيێك بنێرە: