مێرمنداڵی لوڕستانی بوو بە یەکەمی عەسری جەدید لە تەلەفزیۆنی ئێران

(0) / / فرهنگی / زایەڵە عەلی توڵابی لوڕستان هونەر مۆسیقا عەسری جەدید

Jul 18, 2022

قەبارەی فۆنت:

زایەڵە – مێرمنداڵی لوڕستانی کە بە هەموو زمان و زاراوەکانی ئێران لەوانە؛ لوڕی، لەکی، کوردی، فارسی و ئازەری گۆرانی پێشکەش کرد، بە هۆی دەنگ و ئەدا ناوازەکەی بوو بە یەکەمی پڕۆگرامی بەناوبانگی عەسری جەدید لە تەلەفزیۆنی نیشتمانیی ئێران.

بەرنامەی عەسری جەدید کە تایبەتە بە دۆزینەوە و ناساندنی توانا و لێهاتووییە نەبیراو و نەدۆزراوەکان و سێهەم ئەڵقەی لە تەلەفزیۆنی ئێران بەڕێوەبرد، ئەمجارە مێرمنداڵێکی دەنگ خۆشی بە ناوی "عەلی تۆڵابی" ناساند کە بە ١٣ ساڵ تەمەنەوە توانی دەنگی ٥ ملیۆن و ۵۶۲ هەزار و ٤٥٣ هاوڵاتی بۆ خۆی ڕابکێشێ و ببێتە یەکەمی ئێران.

تۆڵابی خەڵکی کووهدەشتی لوڕستان و بە ڕەگەز لەکە و لە پڕۆگرامی عەسری جەدید سترانی لەکی، لوڕی، ئیلامی، کوردی، کەلهوڕی، فارسی و ئازەریشی پێشکەش کرد و بە دەنگە شاز و ناوازەکەی سەرنجی هەمووانی بۆ لای خۆی ڕاکێشا.

ئەم دەنگە زێڕینە خەڵات و تەندیسی ئاڵتۆنی عەسری جەدیدی بردەوە.

پڕۆگرامی عەسری جەدید ٢٢ ملیۆن و ٧٧٧ هەزار دەنگی بینەرانی تۆمار کرد.

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.