بافڵ تاڵەبانی: یەكێتی پێشوازی لە هەر دەستپێشخەرییەك دەكات كە سەرجەم لایەنەكان كۆبكاتەوە

(0) / / کردستان / زایەڵە بافڵ تاڵەبانی هادی عامری یەکێتی

Aug 15, 2022

قەبارەی فۆنت:

زایەڵە - بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازیكرد لە هادی عامری، سەرۆكی هاوپەیمانیی فەتح.

لە دیدارێكدا كە شاڵاو كۆسرەت ڕەسوڵ و خالید شوانی، ئەندامی مەكتەبی سیاسی ئامادەيبوون، دوایین پەرەسەندنە سیاسییەكان و دەستپێشخەریی نوێ بۆ چارەسەركردنی كێشەكانی بەردەم پرۆسەی سیاسیی عێراق تاوتوێكران و بیروڕایان لەبارەوە ئاڵوگۆڕكرا.

لە دیدارەكەدا جەخت لە یەكخستنی ھەوڵە نیشتمانییەكان كرایەوە لە پێناو دۆزینەوەی دەرچەی دەستووری و یاسایی بۆ دەربازبوون لەو دۆخە نەخوازراوەی عێراقی تێكەوتووە. هەردوولا هاوڕابوون لەسەر بەردەوامیی گفتوگۆكان و دیالۆگی بونیادنەرانە بۆ زاڵبوون بەسەر كێشەكاندا.

بافڵ جەلال تاڵەبانی لە دیدارەكەدا جەختیكردەوە كە یەكێتی پێشوازی لە هەر دەستپێشخەرییەك دەكات كە سەرجەم لایەنەكان كۆبكاتەوە و ئامانج لێی گەیشتن بێت بە ڕێككەوتنێكی نیشتمانی و دەربازكردنی وڵات لەو دۆخەی تێیكەوتووە.

بافڵ تاڵەبانی ڕوونیشیكردەوە، “لە ماوەی ڕابردوودا بە هەمان سیاسەتی سەرۆك مام جەلال داوای گفتوگۆی نیشتمانیمان كرد بۆ تێپەڕاندنی ئاستەنگییەكان، بۆ ئەمڕۆش ئەم دەستپێشخەرییە نوێیە كە لەگەڵ دیدگای یەكێتی یەكدەگرێتەوە و لە خزمەتی گشتی و سەقامگیریی وڵاتدایە یەكێتی پشتیوانی دەكات”.

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.