ئاسایشی گەرمیان سزدانی سێ کەسی ڕاگەیاند

زایەڵە - ئاسایشی گەرمیان سزدانی سێ کەسی لە دۆسیەی مادەی هۆشبەر ڕاگەیاند.
ئاسایشی گەرمیان ڕایگەیاند،  پاش ئەوەی لە چەند مانگی ڕابردوودا توانرا لە لایەن هێزەکانی بەرێوەبەرایەتی ئاسایشی گەرمیانەوە بە تۆمەتی بە كارهێنانی مادەی هۆشبەر (3)سێ تۆمەتبار دەستگیربکرێن و پاش ئەوەی دۆسیەکەیان خرایە بەردەم بەرێز دادوەری لێکۆڵینەوەو هەروەها پاش چەندین دانیشتنی دادگا و خستنەڕووی تەواوی بەڵگەکان و دانپیادانانی تاوانباران بە تاوانەکانیاندا کە لە خوارەوە ئاماژەیان پێ دراوە  سەرەنجام  لە لایەن سەرۆکایەتی دادگای تاوانەکانی کەرکووک/گەرمیان بەم شێوەیە سزا دران.
1/ ا ج ا لە دایكبووی 1980 دانیشتووی قەزای كفری بە تۆمەتی بەكارهێنانی مادەی هۆشبەر لە 12/1/2022 دەستگیركراوە لە ڕێكەوتی 18/8/2022 بە پێی مادەی (30)هۆشبەر لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (2)دوو ساڵ زیندانی سزادرا .
2/ ك م ق لە دایكبووی 1997 دانیشتووی شاری هەلەبجە  بە تۆمەتی بەكارهێنانی مادەی هۆشبەر لە 10/5/2022 دەستگیركراوە لە ڕێكەوتی 14/8/2022 بە پێی مادەی (30)سی لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (4)چوار ساڵ زیندانی سزادرا .
3/ ع خ ا ج لە دایكبووی 1993 دانیشتووی قەزای كفری بە تۆمەتی بەكارهێنانی مادەی هۆشبەر لە 26/4/2022 دەستگیركراوە لە ڕێكەوتی 1/8/2022 بە پێی مادەی (30)سی لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (1)یەك ساڵ زیندانی سزادرا .
ئامادەکردنی- کامەران کەریم