سەرۆکی شارەوانی شارەزوور لە ڕێگای زایەڵەوە هاوڵاتیان ئاگادار دەکاتەوە

زایەڵە - سەرۆکی شارەوانی شارەزوور لە ڕێگای زایەڵەوە هاوڵاتیان ئاگادار دەکاتەوە.
سالار ئەحمەد ڕەشید سەرۆکی شارەزوور بە زایەڵەی ڕاگەیاند، ئاگاداری سەرجەم ئەو هاوڵاتیانە دەکەینەوە بۆ کۆتاجار کە خانووی زیادەڕەویان لەسنووری شارەوانی شارەزوور دروست کردووە کە دەتوانن تا بەرواری ٢٠٢٢/٩/٩ داواکاری  پێشەکەش بکەن بۆ تۆمارکردنی خانووەکانیان یاخوودقەرەبووکردنەوەیان بەپارچەیەک زەوی لەبری ڕووخانی خانووەکانیان ئەگەر بەر خزمەتگوزاری کەوتبێت  لە قائیمقامیەتی قەزای شارەزوور بەپێچەوانەوە لەدوای ئەو بەروارە هیچ داواکاریەک وەرناگیرێت و زیادەڕەویەکان دەبنە موڵکی شارەوانی  بەپێی ئەحکامی مادەکانی یاسای ژمارە ٣ی ساڵی ٢٠١٩ ی هەموار کراو
مەرجەکانی داواکاری بریتیە:
١- خانووەکە لەسنووری شارەوانی شارەزوور بێت
٢-خانووەکە پێش بەرواری ٢٠٢١/١/١ دروستکرابێت
٣-خانووەکە کەسی زیادەڕەوکار یان وەرسە شەرعیەکانی تێدابێت
٤-تا بەروار ٢٠٢٢/٩/٩ داواکاری پێشەکەش کردبێت.
ناوبڕاو ئەوەشی خستەڕوو ، لەگەڵ چەند مەرجێکی تر کە دەتوانن سەردانی شارەوانی شارەزوور  بۆ زانیاری زیاتر بکەن .
ئامادەکردنی- کامەران  کەریم