بە گوژمەی زیاتر لە 333 ملیۆن دینار ژمارەیەك شەقام و كۆڵان لە هەولێر قیڕتاو كران

(0) / / کردستان / زایەڵە شەقام قیرتاو بودجە پڕۆژە

Oct 11, 2022

قەبارەی فۆنت:

زایەڵە - وەزارەتی  شارەوانی  ڕایگەیاند،  تیمەكانی سەرۆكایەتیی شارەوانیی هەولێر بەردەوامن لە جێبەجێكردنی پرۆژەی نۆژەنكردنەوە و قیڕتاوكردن و کۆنکرێتکردنی شەقام و گەڕەکەکانی سەنتەری شاری هەولێر و لەم چوارچێوەیەدا بە گوژمەی ٣٣٣،٢٧٢،٠٠٠دینار، پرۆژەیەكی قیڕتاوكردن و كۆنكرێتكردنی شەقام جێبەجێ كرا.
گوژمەی پرۆژەكە لەسەر ڕێژەی ١٥٪ی داهاتی شارەوانی و لە سنووری بەڕێوەبەرایەتیی شارەوانیی شەش بەشێوەی بەڵێندەرایەتی جێبەجێ كرا كە بریتییە لە كۆنكرێتكردن و قیڕتاوكردنی گەڕەكی نەسیج و قۆناغی یەكەمی پرۆژەكەش كۆتایی هات، پێكهاتووە لە ١٠ شەقام و ٦ کۆلان كە بە بڕی ٨٠٠٠م٢ کۆنکرێتكران و ٤ شەقامیش بە بڕی ٥٥٠٠م٢ قیڕتاوکران.
ئێستا لە سنووری سەرۆكایەتیی شارەوانیی هەولێر ژمارەیەك پرۆژەی هەمەجۆری خزمەتگوزاری لە قۆناغی جێبەجێكردندان و چەند دەرخستەیەكیش ئامادەن بۆ جێبەجێکردنی پڕۆژەی نوێ لە گەڕەك و شوێنە جیاوازەكانی شاری هەولێردا.
ئامادەکردنی- کامەران  کەریم
 

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.