گۆڕێکی مێژوویی لە ناوچەی عەنەبی لە پارێزگای هەلەبجە دۆزرایەوە
(0) /
زایەڵە - لە ناوچەی عەنەبی سەر بە پارێزگای هەڵەبجە، چەند پارچە گۆزەیه‌كی شوێنەواری دۆزراونەتەوە، کە بە گوتەی بەڕێوەبەری شوێنەواری هەڵەبجە ئەم پارچە گۆزانە دەکرێ پارچەی شکاوی گۆزە و گڵێنەی گەورەتر بن لە بە مەبەستی ناشتنەوەی تەرم (مرۆڤ یان ئاژەڵ) بە کار هاتبێت.
کاروان هەڵەبجەیی، بەڕێوەبەری شوێنەوار و کەلەپووری هەڵەبجە ڕایگه‌یاند ، دەرکەوتنی ئەم گۆڕە بۆ پارساڵ دەگەڕێتەوە، کە حەفارەیەک سەرقاڵی دروستکردنی رێگه‌وبان بووە و لە کاتی هەڵکەندنی زەوییەکە چەند پارچەگۆزەیەک بەدەر دەکەون و دواتر گۆزەیەکی گەورەش ده‌رده‌كه‌وێ، بۆیە شارەوانیی هەڵەبجە له‌سه‌ر داواکاریی بەڕێوەبەرایەتیی شوێنەواری هەڵەبجە هەستا بە راگرتنی کاری رێگه‌سازییەکە، بەڵام ئێمە وەک بەڕێوەبەرایەتیی شوێنەواری هەڵەبجە، تەنیا چەند پارچەیەکی بچووک لەم گۆزە گەورەیەمان هەڵگرتووە بە مەبەستی توێژینەوەی زانستی و هۆکاری ئەم کارەش بۆ ئەوە دەگەڕێتەوە نەمانویستووە شوینەکە چۆڵ بکەین لە شوێنەوار، کە ئەمیش دەبووە هۆکارێک بۆ رانەگرتنی کاری رێگه‌وبانسازییەكه .
پێشبینی دەکرێت مێژووی ئەم پارچە گۆزانە بۆ سەردەمی ساسانییەکان بگەڕێتەوە، بەڵام بۆ دڵنیابوون لەم زانیارییە، پێویستە توێژینەوەیەکی ورد لەسەر ئەم گڵینانە ئەنجام بدرێت.
بە پێی زانیارییەکانی بەڕێوەبەرایەتی شوێنەواری هەڵەبجە لە گردێکی نزیکی ئەم شوێنە بە دووری 100 مەتر، گۆڕێكی شوێنەواری تری لێیە، بۆیە پێویستە لێکۆڵێنەوەی ورد لەسەر ئەم ناوچەیە ئەنجام بدرێت بۆ دەرکەوتنی راستییەکان.
ئامادەکردنی- کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: