زایەڵە - ئاسایشی ڕۆژئاوای سلێمانی ڕایگەیاند؛ هێزەکانمان لەبەڕێوەبەرایەتی ئاسایشی ڕۆژئاوای سلێمانی (٤) کەسیان بەتۆمەتی دزیکردن لە بەردەقارەمان دەستگیرکرد.
ئاسایشی ڕۆژئاوای سلێمانی ڕایگەیاند، لەچواڕچێوەی هەڵمەتی هێزەکانمان لەبەڕێوەبەرایەتی ئاسایشی ڕۆژئاوای سلێمانی ، بۆ پاراستنی سەروماڵی هاوڵاتیان ، لە کۆمەڵگەی بەردەقارەمان (باینجان) ی سەر بەقەزای (بازیان) ، ( ٤ ) تۆمەتبار بەناوەکانی (ب ، ک ، ج ) و ( ڕ ، ق ، م ) و ( چ ، د ، ک ) و ( م ، ع ، ک) لەلایەن هێزەکانمانەوە دەستگیرکران ، کەهەستاون بەبڕینی وایەری باخی ماڵی هاوڵاتیانی (بەردەقارەمان) و دزیویانە .
تۆمەتبارەکان سەرجەمیان دانیشتوی بەردەقارەمانن و بەبڕیاری بەڕێز دادوەری دادگەی لێکۆڵینەوەی چەمچەماڵ بەپێی ماددەی (٤٤٤) لەیاسای سزادانی عێراقی ڕاگیراون و دەستگیراوە بەسەر ماتۆڕێکی سێ تایەی و ئەو وایەرانەشی کەبڕیبویان و دزیبویان .
ئامادەکردنی- کامەران کەریم

یەکەم کەس بە بۆ ناردنی تێبینی.

دەستگیرکردنی چوار کەس لە سلێمانی بە تۆمەتی دزی