داعشێک دەستگیر کرا

لە سنووری بەڕێوەبەرایەتی ئاسایشی ڕۆژئاوای  سلێمانی داعشێک دەستگیرکرا.
بە پێی ڕاپۆرتی  زایەڵە، ئاسایشی ڕۆژئاوای سلێمانی ڕایگەیاند، لە سەربنەمای هەبوونی زانیاری پێشوەختە هێزەکانمان لە بەڕێوەبەرایەتی ئاسایشی ڕۆژئاوای سلێمانی کەسێکیان بەناوی (م ، ص ، م ، م) لە بەرواری( ۲۷_٢_٢٠٢١ )  دەستگیرکرد کە لە ڕیزەکانی دەوڵەتی ئیسلامی لە عێراق و شام بووە .
وتیشی: تۆمەتباری ئاماژە بۆکراو لە ساڵی (۲۰۱٤ ) لە پارێزگای سەلاحەدین لە قەزای بێجی پەیوەندی کردوەو بەیعەتی بەدەوڵەتی ئیسلامی لەعێراق و شام داوە تاوەکو ساڵی (۲۰۱٥) لە عێراق لەگەڵیان ماوەتەوە پاش تێکشکاندنی ڕیزەکانی داعش لەسنوری پارێزگای سەلاحەدین  دەچێتە سوریاو لەوێش بەردەوامدەبێت.
ڕونیشیکردەوە:  لە مانگی( ٢ - ٢٠٢١) دەگەڕێتەوە عێراق و دەچێتە پارێزگای هەولێر تاوەکو (۲٦ _٢_٢٠٢١) لەوێ نیشتەجێ دەبێت ، پاشان دێتە سنوری پارێزگای سلێمانی و لە( ۲۷_٢_٢٠٢١ ) لەلایەن هێزەکانمانەوە لەسنورەکەمان دەستگیردەکرێت .
ئەوەشی خستەڕوو: تۆمەتباری دەستگیرکراو لەنەتەوەی عەرەبەو سەر بەعەشیرەتی الدلیمیە و خێزاندارە ، لەبنەچەدا خەڵکی پارێزگای سەلاحەدینە .
هێمای بەوەش کرد: لەلایەن بەڕێز دادوەری دادگای لێکۆڵینەوەوە بەپێی ماددەی (٢) ی تێرۆر ڕاگیراوەو لێکۆڵینەوە لەگەڵیدا بەردەوامە .
کامەران کەریم