لایەنە سیاسییەکانی هەرێمی کوردستان چەند بڕیارێکی گرنگیان لەبارەی هەڵبژاردنەوە دا

(0) / زایەڵە پەرلەمانی کوردستان هەڵبژاردن

Mar 12, 2023

زایەڵە - لە کۆبوونەوەی لایەنە سیاسییەکانی هەرێمی کوردستان سەبارەت بە پڕۆسەی هەڵبژاردن چەند بڕیارێکی گرنگ درا.

سەرلەبەیانی شەممە 11ـی 03ـی 2023 دەزگای هەڵبژاردنی پارتی دیموکراتی کوردستان و مەکتەبی هەڵبژاردنی یەکێتی لە بارەگای مەکتەبی سیاسیی یەکێتیی نیشتمانی کوردستان لە شاری سلێمانی لەگەڵ نوێنەری لایەنە سیاسییە کوردستانیەکانی پەرلەمانی کوردستان لەبارەی ئامادەکاری و لێکتێگەیشتن بۆ هەمواری هەڵبژاردنی پەرلەمانی کوردستان کۆبوونەوە.

لە کۆبوونەوەکەدا بابەتەکانی پەیوەست بە هەمواری هەڵبژاردنی پەرلەمانی کوردستان و کاراکردنەوەی کۆمیسیۆنی باڵای هەڵبژاردن گفتوگۆی ڕاشکاوانەی لەبارەوە کرا و لەسەر ئەم بابەت و تەوەرانەی خوارەوە بڕیاری پێویست وەرگیرا:-

1- سیستەمی چوار بازنەیی بەپێی پارێزگاکانی هەرێمی کوردستان دەبێت.

2- تۆماری بایۆمەتری کۆمیسیۆنی سەربەخۆیی هەڵبژاردنەکانی عێراق بکرێتە بنەما بە هەموو پێداویستییەکانیەوە.

3- داتاکانی وەزارەتی پلاندانانی حکوومەتی فیدراڵ بەکاردێت بۆ دیاریکردنی ڕێژەی کورسی پارێزگاکان.

4- کاراکردنەوەی کۆمیسیۆنی باڵای هەڵبژاردن و ڕاپرسی هەرێمی کوردستان.

5- سەرۆکایەتیی پەرلەمان و فراکسیۆنەکان، کۆبوونەوەیەک لەگەڵ نوێنەرانی پێکهاتەکان لە ناوەوە و دەرەوەی پەرلەمان ئەنجام دەدەن.