شانەی راگەیاندنی ئەمنیی عێراق: تەقینەوەکەی کازمەین ۸ برینداری لێکەوتەوە
(0) /
شانەی راگەیاندنی ئەمنیی عێراق هەواڵی بریندار بوونی ۸ سەردانیکەری ئیمام کازمی بەهۆی تەقینەوەی نارنجۆکێک ڕاگەیاند.
بەپێی ڕاپۆرتی زایەڵە، شانەی راگەیاندنی ئەمنیی عێراق بە دەرکردنی بەیاننامەیەک وردەکارییەکانی ڕووداوی تەقینەوەکەی نێو سەردانیکەرانی ئیمام کازمی خستەڕوو.
لەم بەیاننامەیەدا هاتووە: تەقینەوەی نارنجۆکێکی دەستی، لەسەر پردی نێوان ئەعزەمیە و کازمیە
له شوێنی چاڵکردنی زبڵ لای پردی ئەئیمە ۸ برینداری لێکەوتەوە و خۆشبەختانە هیچ شەهیدێکی نەبوو.
شانەی راگەیاندنی ئەمنیی عێراق ئەو ئامارانەی بە سەرەتایی زانی و ڕایگەیاند بەم زووانە وردەکاری زیاتر دەخەینەڕوو.
شانەی راگەیاندنی ئەمنیی عێراق ڕاشیگەیاند: هێزە ئەمنییەکان بۆ دەستکەوتنی وردەکاری و سەرەداوی زیاتر بەردەوامن لەسەر لێکۆڵینەوەکان.
بە وتەی ئەو ناوەندە تێکڕای سەردانیکەرانی مەزارگەی ئیمام کازم درێژە بە ڕێگای خۆیان بۆ بەشداری کردن لە ڕێوڕەسمی ساڵوەگەڕی شەهید بوونی ئیمام کازم دەدەن.
تێبينيێك بنێرە: