عەبدولئەمیر شەمەری: گەلی عێراق بە هەموو پێكهاتەكانیەوە پشتیوانی لە دۆزی فەڵەستین دەكەن
(0) /
زایەڵە - عەبدولئەمیر شەمەری، وەزیری ناوخۆی عێراق دووپاتیكردەوە: كە گەلی عێراق بە هەموو پێكهاتەكانیەوە پشتیوانی لە دۆزی فەڵەستین دەكەن.
وەزارەتەكە لە بەیاننامەیەكدا، دەڵێت: عەبدولئەمیر شەمەری، وەزیری ناوخۆ، لە بارەگای وەزارەت، لەگەڵ هاوتا فەڵەستینییەكەی، لیوا زیاد هب ئەلریح، گفتوگۆیان كرد لەبارەی پەیوەندییە دووقۆڵییەكان و بەهێزكردنی چوارچێوەی هاوكارییەكان لەو بوار و پرسانەی كە خزمەت بە بەرژەوەندییەكانی دوو وڵاتی برا دەكەن.
شەمەری دووپاتیكردەوە: كە گەلی عێراق بە هەموو پیكهاتەكانیەوە پاڵپشتی دۆزی فەڵەستینن، بە بەرز نرخاندنی ئەو قووڵاییە مێژووییەی كە عێراق بە فەڵەستینەوە دەبەستێتەوە، وتیشی: دۆخی ئەمنی وڵات زۆر باشە و هێزەكانی وەزارەتی ناوخۆ مەلەفی ئەمنی پێنج پارێزگایان وەرگرتووە و كاركردن لەو بوارەشدا بەردەوامە.
لە بەرامبەردا وەزیری فەڵەستینی خۆشحاڵی خۆی بە ئامادەبوونی لە بەغدای پایتەخت دەربڕی و جەختیكردەوە: كە ئەم سەردانە كاریگەری ئەرێنی زۆر گرنگی لەسەر ئاستی ناوچەكە هەیە و عێراقیشی بە سەرچاوەی ڕاستگۆیی و هێز وەسف كرد، هەروەها ستایشی ئەو هەوڵە گەورەیەی كرد كە هەیانە بۆ بنبڕكردنی تیرۆر و هیوای سەركەوتنی زیاتری بۆ عێراق و گەلەكەی خواست، هەروەك سوپاس و پێزانینی خۆی بۆ وەزیر دەربڕی بۆ ئەو پێشوازییە گەرمەی كە لێیكردووە.
لە كۆتایی بەیاننامەكەدا هاتووە، كە ئەلریح سەردانی بارەگای فەرماندەیی هێزە سنوورییەكانی بەغدای كرد، و بینەری پێشكەشكردنی كورتە دەستكەوت و پاڵەوانێتییەكانی فەرماندەیی هێزەكانی سنوور و قەڵا ئەمنییەكان لەگەڵ وڵاتانی دراوسێ بوو.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: