بەتۆمەتی ھەوڵدان بۆ غەشكردن لەتاقیكردنەوەكاندا دوو تۆمەتبار دەستگیركران
(0) /
زایەڵە - پۆلیسی سلێمانی ڕایگەیاند، مەفرەزەكانی نوسینگه‌ی كوردساتی به‌شی نه‌هێشتنی تاوان دوو تۆمەتباریان دەستگیركرد كە بەنیازبوون لەكاتی تاقیكردنەوە گشتییەكاندا غەش (قۆپیە) بكەن.
دوای كۆكردنەوەی زانیاری و چاودێریكردنی چەند تۆمەتبارێك كە بەنیازبوون لەڕێی ئامێری بێ تەل و مۆبایلەوە لەتاقیكردنەوە گشتییەكاندا غەش بكەن، دوای وەرگرتنی بڕیاری بەڕێز دادوەر، توانرا تۆمەتباران لەلایەن مەفرەزەكانی نوسینگه‌ی كوردساتی نه‌هێشتنی تاوانه‌وه دەستگیربكرێن.
لەكاتی دەستگیركردنی تۆمەتبارەكاندا دەستیشگیرا بەسەر ئۆتۆمبێلێک‌و دوو ئامێری بێ تەل و دوو مۆبایلدا كە تۆمەتباران بەنیازبوون بۆ غەشكردن بەكاریبھێنن.
لەئێستادا تۆمەتباران (م، ع، م) له‌دایكبووی 1999 و (د، م، ع) له‌دایكبووی 1998 بەبڕیاری بەڕێز دادوەرو ڕاگیراون و لێكۆڵینەوەكان بەردەوامە.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: