سبه‌ی تاقیكردنه‌وه‌ی كۆلیژه‌كانی به‌هره‌داران له‌ هه‌ولێر و سلێمانی و دهۆك ئه‌نجام ده‌درێت

زایەڵە - وه‌زاره‌تی په‌روه‌رده‌ی حكوومه‌تی هه‌رێمی كوردستان له‌ ئاگادارییه‌كدا بۆ قوتابییان ڕایگه‌یاند كه‌ سبه‌ی شه‌ممه‌ له‌ هه‌رسێ شاره‌كانی هه‌ولێر و سلێمانی و دهۆك، تاقیكردنه‌وه‌كانی وه‌رگرتن له‌ كۆلیژه‌كانی به‌هره‌داران ئه‌نجام ده‌درێت.

له‌ ئاگادارییه‌كه‌ی وه‌زاره‌تی په‌روه‌رده‌ هاتووه‌ "ئەو قوتابییانەی فۆرمی بەشداریکردنیان لە تاقیکردنەوەکانی وەرگرتن لە کۆلیژەکانی بەھرەداران لە ھەولێر و سلێمانی و دھۆک پڕکردۆتەوە، سبه‌ی شه‌ممه‌ کاتژمێر (10:30)ی بەیانی، قۆناغی یەکەم لە تاقیکردنەوەکانی وەرگرتنی قوتابییانی قۆناغی حەوتەم ئەنجام دەدرێت".

بڵاویشی كرده‌وه‌ "لە کۆلیژی قەڵا بۆ بەھرەداران (207) قوتابی، لە کۆلیژی ئەزمڕ بۆ بەھرەداران (278) قوتابی و لە کۆلیژی دهۆک بۆ بەهرەداران (207) قوتابی به‌شداری تاقیكردنه‌وه‌كان ده‌كه‌ن".

وه‌زاره‌تی په‌روه‌رده‌ ناونیشانی ئه‌و هۆڵانه‌شی دیاری كرد كه‌ تاقیكردنه‌وه‌كانیان تێدا ئه‌نجام ده‌درێت كه‌ بریتین له‌مانه‌ی خواره‌وه‌:-

1- ھۆڵی ئە‌زموونی كۆلیژی قە‌ڵا بۆ بە‌ھرە‌داران:

پارێزگای ھەولێر-  ئامادە‌یی ھە‌ولێری زانستی كچان - شە‌ست مە‌تری - بە‌رامبە‌ر یاریگەی شەھید فە‌رە‌نسۆ حە‌ریری.

2- ھۆلی ئەزموونی کۆلیژی ئەزمڕ بۆ بەھرەداران:

پارێزگای سلێمانی - سەنتەری زمان -  سەرۆکایەتی زانکۆى پۆلیتەکنیکى سلێمانى، گەڕەکى قڕگە.

3- هۆڵی ئەزموونی کۆلیژی دهۆک بۆ بەهرەداران:

پارێزگای دھۆک - کۆلیژی دھۆک بۆ بەھرەداران.

لای خۆشییه‌وه‌ لیژنەی سەرپەرشتیاری وەرگرتن لە کۆلیژەکانی بەھرەداران داوای له‌ قوتابییان كردئه‌وانه‌ی فۆڕمیان پێشكه‌ش كردووه‌، بەر لە واده‌ی ده‌ستپێكردنی تاقیكردنه‌وه‌كان لە ھۆڵەکانی خۆیان ئامادەبن.