پەرلەمانتارێک دڵنیایی بەموچەخۆران دەدات
(0) /
زایەڵە - ئەندامێكی ئەنجومەنی نوێنەرانی عێراق رایدەگەیەنێت: یاسای بودجەی عێراق هەمواربكرێتەوە كێشەی مووچەی مووچەخۆرانی هەرێمی كوردستان چارەسەردەبێت و دەشڵێت، لە چەند رۆژی داهاتوودا 700 ملیار دینارەكە بۆ هەرێمی كوردستان رەوانەدەكرێت.
دارا سێكانیانی ئەندامی ئەنجومەنی نوێنەرانی عێراق لە دیدارێكی تەلەفزیۆنیدا رایگەیاند: عێراق لە 17 و 18ی مانگدا دەست بەدابەشكردنی مووچە دەكات و چاوەڕواندەكرێت لە چەند رۆژی داهاتوودا 700 ملیار دینارەكە بۆ هەرێم رەوانە بكرێت.
راشیگەیاند:، دەبێت هەرێمی كوردستان هاوكاریی حكومەتی عێراق بكات و زانیارییەكانی تایبەت بە فەرمانبەران بخاتە بەردەمی بەغداد.
بە بڕوای ئەو پەرلەمانتارە، هەمواركردنەوەی یاسای بودجە كێشەی مووچەی مووچەخۆرانی هەرێم چارەسەردەكات، بەڵام ئەوەش پێویستی بە سازان هەیە لە نێوان هەرێم و بەغدادا.
کامەران کەریم
تێبينيێك بنێرە: