ئێنریكی: ئێمباپێ چەندین تۆپی ئاڵتوونی دەباتەوە
(0) /
زایەڵە - لویس ئێنریكێ، راهێنەری ئیسپانی یانەی پاریس سان جێرمانی فەڕەنسی پێی وایە كیلیان ئێمباپێی فەڕەنسی و هێرشبەری یانەكەی چەندین تۆپی ئاڵتوونی بەدەستدەهێنێت.
رۆژی دووشەممەی رابردوو لە ئاهەنگێكدا لە پاریسی پایتەختی فەڕەنسا گۆڤاری فرانس فوتبۆڵ لیۆنێل مێسی وەك براوەی باڵۆن دۆر بۆ ساڵی 2023 دیاریكرد و ئێرلینگ هالاند لە پلەی دووەم و كیلیان ئێمباپێ لە پلەی سێیەم هاتن.
لە وەڵامی پرسیارێکدا لە کۆنگرەیەکی رۆژنامەوانیدا لە بارەگای یانە پاریسییەکە سەبارەت بە چانسی ئێمباپێ بۆ بردنەوەی ئەم خەڵاتە، راهێنەری پێشووی ئیسپانیا لە وەڵامدا وتی: بەدەستهێنانی خەڵاتی تۆپی ئاڵتونی، جگە لەوەی ئەو یاریزانە لەسەر ئاستی تاکەکەسی پێشکەشی دەکات، دەبێت نازناوەکان لەسەر ئاستی یانەکان و هەڵبژاردەی نیشتیمانی بەدەستبهێنێت.
بەردەوام بوو ووتی: لێرە لە پاریس سانجێرمان هەوڵدەدەین تا دەتوانین بردنەوە بەدەستبهێنین، یاریزانێکی وەک کیلیان دڵنیام تۆپی ئاڵتونی زۆر بەدەست دەهێنێت.
سۆما ئەحمەد
تێبينيێك بنێرە: