مامۆستایان و مووچەخۆران لە 13 شوێنی هەرێمی کوردستان دەست بە خۆپیشاندان دەکەنەوە
(0) /
زایەڵە - بڕیارە سبەینێ مامۆستایان و مووچەخۆران لە 13 شوێنی هەرێمی کوردستان، بۆ داواکردنی مووچەکانیان دەست بە خۆپیشاندان بکەنەوە.
عادل حەسەن، مامۆستای ناڕازی رایگەیاند، سبەینێ لە 13 شوێنی هەرێمی کوردستان مامۆستایان و مووچەخۆران خۆپیشاندان ئەنجامدەدەن.
وتیشی، لە شاری سلێمانی خۆپیشاندانی مامۆستایان لە کاتژمێر 10ی بەیانی لەبەردەم پەروەردەی رۆژئاواوە دەستپێدەکات، داواکارییەکانمان روون و ئاشکران.
ماوەی نزیکەی دوو مانگ بەسەر ئەو وادەیەدا تێدەپەڕێت کە بۆ دەستپێکی ساڵی نوێی خوێندن لە هەرێمی کوردستان دیاریکرا، بەڵام بەهۆی ئەوەی مووچەی فەرمانبەران لەکاتی خۆیدا نادرێت، بەشێکی فەرمانبەران و مامۆستایان بایکۆتی دەوام و هۆڵەکانی خوێندنیان کردووە.
کامەران کەریم
تێبينيێك بنێرە: