شه‌پۆلێكی به‌فرو باران هه‌رێمی كوردستان ده‌گرێته‌وه‌

زایەڵە - ئاراس جه‌بار، شاره‌زای كه‌شناسی له‌ هه‌رێمی كوردستان رایگه‌یاند، كۆتایی هه‌فته‌ی داهاتوو شه‌پۆلێكی به‌فرو بارانبارین هه‌رێمی كوردستان ده‌گرێته‌وه‌ و سه‌ره‌تای شه‌پۆله‌كان به‌ لاوازی ده‌ستپێده‌كه‌ن.

ئه‌و شاره‌زا كه‌شناسییه‌، له‌ بڵاوكراوه‌یه‌كدا باسی له‌وه‌كردووه‌: لە ئەمڕۆ پێنجشەممە و  سبەی ھەینی بەھۆی کاریگەری بارستە ھەوایەکی گەرم و ناوبەناو ھاتنی رێژەیەکی کەم شێ کە لە باشووری رۆژئاوای ناوچەکەوە درێژ دەبێتەوە بۆ سەر ناوچەکانمان پلەکانی گەرما بەرزبوونەوە بەخۆیەوە دەبینێت و تا کۆتایی ھەفتەی ئایندە کاریگەریەکانی دەمێنێتەوە.

ئه‌وه‌شی وتووه‌: لەو ماوەیەدا بەرزترین پلەی گەرمی سەنتەری پارێزگاکانی ھەرێم بەم شێوەیە پێشبینی دەکرێت (ھەولێر لەنێوان 19-21 پلە، سلێمانی 18-20 پلە، دھۆک 18-19 پلە، ھەڵەبجە 19-21 پلە، کەرکوک 20-23 پلە) بە زۆری ئاسمانی ھەرێم ساماڵ دەبێت ھەندێک کاتیش پەڵە ھەور دروست دەبێت.

له‌ به‌شێكی دیكه‌ی بڵاوكراوه‌كه‌یدا ئاراس جه‌بار ده‌ڵێت: لە چوارشەمەی ھەفتەی ئایندەوە 6ی كانوونی یه‌كه‌می 2023، کاریگەری نزمەپاڵەپەستۆیەکانی دەریای سوور و ناوەراست قۆناغ بە قۆناغ بۆ سەرناوچەکانمان دەستپێدەکاتەوە سەرەتاش بە لاوازی و بە ھەورە بروسکە و بارانی ناجێگیر و پەرتەوازە کاریگەری دەبێت دواتر لەنێوان 10 بۆ 15ی مانگی داھاتوو پێشبینی دەکرێت کاریگەری نزمەپاڵەپەستۆ و بارستە ھەوا ساردەکان چالاکتر ببێت و شەپۆلی بەفر و بارانبارین بەرێژەی زۆر و باش ھەرێمی کوردستان و وڵاتانی ناوچەکە بگرێتەوە.

کامەران کەریم