لە 2023 دژەتیرۆر 187 ئۆپه‌راسیۆن ئەنجامداوە و 331 كه‌س به تۆمه‌تی تیرۆر ده‌ستگیركراون
(0) /
زایەڵە - لە ساڵی 2023 دژی تیرۆر 187 ئۆپه‌راسیۆن ئەنجامداوە و 331 كه‌س به تۆمه‌تی تیرۆر ده‌ستگیركراون و 398 كیلۆ ماددەی هۆشبەری دەستی بەسەردا گیراوە
بەڕێوبەرایەتی لێکۆڵینەوەی دەزگای ئاسایشی ھەرێم ئاشكرایکرد:لە ساڵی 2023 دژی تیرۆر 187 ئۆپه‌راسیۆن ئەنجامداوە و 331 كه‌س به تۆمه‌تی تیرۆر ده‌ستگیركراون و 398 كیلۆ ماددەی هۆشبەری دەستی بەسەردا گیراوە.
عەمید پشتیوان بەھادین بەڕێوبەری بەڕێوبەرایەتی لێکۆڵینەوەی دەزگای ئاسایشی ھەرێم لە كۆنگرەیەكی رۆژنامەوانیدا ئامارەكانی سالی 2023ی بڵاوكردەوە: كە تێدا چالاكییەكانیان لە سەر رووبەرووبوونەوەی بە تایبەتی تیرۆر و ماددەی هۆشبەر و تاوانە ئەلكترۆنیەكانە . لە ئەنجامی چالاكی ئەم دەزگایە 331 كەس بە تۆمەتی تیرۆر دەستگیركراون و 3 هەزار و 38 حالەتی تاوانی ئەلكترۆنی هەبووە كە دژی وەستاونەتەوە. بە پێ داتاكانیان ئەمساڵ رووبەرووی 991 حالەتی ماددە هۆشبەرەكان بوونەتەوە كە 84 یان بازرگانی بوون و 653 حاڵەتیان بەكارهێنان و 254 حاڵەتیان فرۆشتن ماددە هۆشبەرەكان بووە و دەستیان بەسەر 398 كیلۆ ماددەی هۆشبەردا گرتووە.
کامەران کەریم
تێبينيێك بنێرە: