ئێران و عێراق جەخت دەکەنەسەر جێبەجێکردنی خێرا و تەواوەتی ڕێکەوتنی سەربازی، سیاسی و بازرگانی نێوانیان
(0) /
زایەڵە - کۆمیتەی سیاسی هاوبەشی نێوان ئێران عیراق لە تارانی پایتەختی کۆماری ئیسلامی ئێران بەرێوەچوو و جەخت لە جێبەجێکردنی رێکەوتنەکانی نێوان ھەردوولا لە بوارەکانی سەربازی و سیاسی و بازرگانی کرایەوە.
پێگەی تایبەتی ئەنجومەنی وەزیرانی ئێران بڵاوی کردەوە، لە تارانی پایتەختی کۆماری ئیسلامی ئێران بەسەرپەرشتی عەلی باقری، جێگری وەزیری دەرەوەی ئێران بۆ کاروباری سیاسی و محەمەد حسێن بەحر ئەلعلوم جێگری وەزیری دەرەوەی عیراق شەشەمین کۆبونەوەی . شەشەمین کۆبوونەوەی کۆمیتەی سیاسی ھاوبەشی نێوان کۆماری ئیسلامی ئێران و عیراق بەڕێوەچوو.
هاوکات ئاماژەیان بەوەشداوە، لە کۆبوونەوەکەدا کە باس لە پەیوەندیەکانی ھەردوو وڵات کرا و جەختکرایەوە لەسەر جێبەجێکردنی خێرا و تەواوەتی ئەو رێکەوتنە سەربازی وسیاسی و بازرگانیانەی لە نێوان ھەردوو وڵاتدا ھەیە و بەردەوامی گفتوگۆکان لەو بارەیەوە.
هەرچی تایبەتە بە دۆسیەی فەڵەستین و ئیسرائیل هەردولا هاوڕایی خۆیان بۆ پشتیوانی کردنی گەلی فەڵەستین دووپاتکردەوە
تێبينيێك بنێرە: