وەزیرێکی پێشووی ئەمریکا: دەبێت ترەمپ لەبەر ئەو کودەتایەی کردی، دادگایی بکرێت

بەرپرسێکی باڵای پێشووی ئەمریکا داوای دادگایی کردنی دۆناڵد ترەمپ سەرۆک کۆماری ئەمریکای کرد.
بەپێی ڕاپۆرتی زایەڵە، ڕابێرت ڕایش وەزیری پێشووی کاری ئەمریکا لە وتارێکدا نووسی: کاتێک کە سەرۆک کۆماری ئەمریکا ئەو لەیاسا دەرچووانە هان دەدات تاکوو بە چەکەوە هێرش بکەنە سەر کۆنگرێس و حەریمی کۆنگرێس پێشێل بکەن و گیانی ئەندامانی بخەنە مەترسییەوە لەبەر ئەوەی خۆی لە دەسەڵاتدا بمێنێتەوە،ئەم کارەی جگە لە کودەتا شتێکی دیکە نیە و دەبێت لە دەسەڵات دوور بخرێتەوە و دەستبەسەر و دادگایش بکرێت.
نووسەر و تیۆریسییەنی سیاسی ئەمریکی کە لە حکوومەتەکانی جڕاڵد فۆرد و جیمی کارتەر خزمەتی کردووە لە بابەتێکدا لە ڕۆژنامەی گاردیەن وتیشی: هێرشی لایەنگرانی ترەمپ سەرۆک کۆماری ئەمریکا بۆ سەر بینای کۆنگرێس لە ڕۆژی چوارشەممەدا بووە هۆی کوژرانی ئەفسەرێکی پۆلیس.
ڕاشیگەیاند: هەرچەندە ئەم هەوڵە بۆ کودەتا بێ ئاکام بوو بەڵام نابێت ببێتە هۆی ئەوەی کە ئێمە ئەمە بە شتێکی کەم بزانین و ئەوە پەڵەیەکی ڕەشە بە ڕووخساری ئەمریکاوە.هەروەها هەموو ئەو کەسانەی کە بەشدار بوون لە ئەم شەرمەزارییە دەبێت بەرپرسیارییەتی خۆیان هەڵگرن بەتایبەت ترەمپ.
کۆتایی/.
ئەم بەرپرسی پێشووی ئەمریکا وتیشی:دەبێت ترەمپ دەسبەجی لێپرسینەوەی لێ بکرێت و وەک تاوانبارێک لە پۆستەکەی دوور بخرێتەوە. ئەگەر ڕێگە بدەین کات بەفیڕۆ بچێت و ترەمپ بتوانێت جارێکی دیکە هەوڵ بۆ بەدەستهێنانی کورسی سەرۆکایەتی کۆمار بدات ئەوە دەرخەری ئەوەیە کە هەوڵدان بۆ کودەتا بەشێکە لە سیستەمی ئەمریکا.