ئه‌گه‌ری به‌فربارین هه‌یه‌

Jan 28, 2024

زایەڵە - كه‌شناسی هه‌رێم رایگه‌یاند، ئه‌مڕۆ ئاسمان نیمچه‌ هه‌ور و سارد ده‌بێت، له‌ناوچه‌ شاخاوییه‌كان و سنوورییه‌كان ئه‌گه‌ری به‌فربارین هه‌یه‌.

به‌ڕێوه‌به‌رایه‌تی كه‌شناسی هه‌رێم له‌ بڵاوكراوه‌یه‌كدا ئاماژه‌ی به‌وه‌دا: ئەمڕۆ یەکشەممە 28ی كانوونی دووه‌می 2024، ئاسمان نیمچە هەور و سارد دەبێت، لە ناوچە شاخاوییەکان و سنوورییەکان ئەگەرى بەفر بارین هەیە.

باسی له‌وه‌شكردووه‌، پلەکانی گەرما نزم دەبێتەوە بەراورد بە تۆمارکراوەکانی دوێنێ.

لە بارەی کەشوهەوای سبەینێ دووشەممە 29ی كانوونی دووه‌می 2024، كه‌شناسی ده‌ڵێت: "ئاسمان نیمچە هەور دەبێت، پلەکانى گەرما هەر بە نزمى دەمێنێتەوە لەگەڵ دروست بوونى شەختە لە کاتەکانى بەیانى زوو".

ئه‌وه‌شی وتووه‌: "پلەکانی گەرما کەمێک بەرز دەبێتەوە بەراورد بە تۆمارکراوەکانی ئەمڕۆ".

بەرزترین پلەکانی گەرمای ئه‌مڕۆی شاره‌كانی هه‌رێم:

هەولێر: 11 پلەى سیلیزى

سلێمانی: 8 پلەى سیلیزى

دهۆک: 8 پلەى سیلیزى

کەرکوک: 13 پلەى سیلیزى

هەڵەبجە: 10 پلەى سیلیزى

زاخۆ: 9 پلەى سیلیزى

گەرمیان: 14 پلەى سیلیزى

حاجی ئۆمەران: 1 پلەى سیلیزى

سۆران: 6 پلەى سیلیزى