ئامادەکاریەکان لە هەڵەبجە بۆ دامەزراندنی 500 کەس بەگرێبەست بۆ فەرمانگە حکومیەکان دەستیپێکرد
(0) /
زایەڵە - پارێزگاری هەڵەبجە لەگەڵ سەرۆكی یەكە كارگێڕییەكان و بەڕێوەبەرە گشتیەكانی پارێزگای هەڵەبجە كۆبویەوە.
لە دیوانی پارێزگا بە سەرپەرشتی بەڕێز ئازاد تۆفیق پارێزگاری ،هەڵەبجەو بە ئامادەبوونی جێگرانی پارێزگارو قائیمقامی هەڵەبجە لەگەڵ سەرۆکی یەکە کارگێریەکان و بەڕێوەبەرەگشتیەکان كۆبویەوە.
مەبەستی كۆبونەوەكە لە چوارچێوەی بڕیاری سەرۆكی حكومەتی هەرێمی كوردستان دێت بۆ دامەزراندنی ٥٠٠ فەرمانبەری گرێبەست لە سنوری پارێزگای هەڵەبجە.
لە كۆبونەوەكەدا كە سەرجەم بەڕێوەبەری ناحیەكانی پارێزگای هەڵەبجەو بەڕێوەبەرانی گشتی دامەزراوەكانی حكومەت لە پارێزگای هەڵەبجە بەشداربوون تێیدا باس لە چۆنیەتی میكانیزمی دامەزراندن و و میلاكی پێویست بۆیان كراو سەرجەمیان سەرنج و پێشنیاری خۆیان خستە ڕوو.
هەر لە كۆبونەوەكەدا پارێزگار سەرجەم لایەنەكانی ڕاسپارد بۆ دیاریكردنی میلاكی پێویستی دامەزراوەكان بە نوسراوی فەرمی ئاڕاستەی پارێزگا بكرێت و لە ڕێگەی میكانیزمێكی گونجاوەوە پڕۆسەكە بە سەركەوتوویی لە زوترین كاتدا جێبەجێ بكرێت.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: