نێچیرڤان بارزانی و یاشار گولەر: هاوڕا بووین له‌سه‌ر گرنگيى پاراستنى ئارامى و سه‌قامگيريى ناوچه‌كه
(0) /
زایەڵە - سەرۆکایەتی هەرێم ڕایگەیاند؛ نێچيرڤان بارزانى، سه‌رۆكى هه‌رێمى كوردستان، پێشنيوه‌ڕۆى ئه‌مرۆ شه‌ممه 2024/3/2 له په‌راوێزى كۆڕبه‌ندى ديپلۆماسيى ئانتاليا و له ديدارێكدا له‌گه‌ڵ ياشار گوله‌ر وه‌زيرى به‌رگريى توركيا، دوايين پێشهاته ئه‌منييه‌كانى ڕۆژهه‌ڵاتى ناوه‌ڕاست و مه‌ترسى و هه‌ڕه‌شه‌كانى تيرۆريان تاوتوێ كرد.
ئاماژە بەوەش دراوە؛ هه‌ردوولا هاوڕا بوون له‌سه‌ر گرنگيى پاراستنى ئارامى و سه‌قامگيريى ناوچه‌كه و هه‌وڵدان بۆ ڕێگرتن له ته‌شه‌نه‌سه‌ندنى زياترى ئاڵۆزییه‌کان، هه‌روه‌ها داکۆکییان له بره‌ودان به په‌یوه‌ندییه‌کانی تورکیا له‌گه‌ڵ عێراق و هه‌رێمی کوردستان کرده‌وه.
تێبينيێك بنێرە: