لە ڕووداوێکی هاتووچۆدا دوو کەس گیانیان لەدەست دا
(0) /
زایەڵە - شەوی ڕابردوو بەهۆی پێکدادانی دوو ئۆتۆمبێل لەسەر ڕێگای گوندی کارێزە دوو کەس گیانیان لەدەستداو سێ کەسیتریش برینداربوون.
هاتوچۆی گەرمیان ڕایگەیاند، کاتژمێر ١:٣٠ خولەک، بەهۆی پێکدادانی دوو ئۆتۆمبێلی جۆری نیسان ئاڵتیما و نیسان ناڤارا لەسەر ڕێگای گوندی کارێزە لە نزیک ناحیەی ڕزگاری، دوو کەس گیانیان لەدەستدا و سێ کەسیتریش برینداربوون.
ئەو کەسانەی گیانیان لەدەستداوە یەکێکیان لێخوڕی نیسان ئاڵتیماکەیە لە دایک بووی ١٩٧٢ەو، بەئاراستەی سەر ڕێگای گشتی کەلار -کفری ڕۆیشتووە، ئەوەکەی دیکەیان سەرنشینێکی نیسان ناڤاراکەیە لە دایک بووی ١٩٦٠ە، سێ بریندارەکەش سەرنشینی نیسان ناڤاراکەبوون کە بە ئاراستەی گوندی کارێزە ڕۆیشتوون.
بریندارەکان گەیەنراونەتە نەخۆشخانە و لێکۆڵینەوە لەلایەن تیمی هاتووچۆوە دەستی پێکردووە، بەمەبەستی زانینی هۆکار و چۆنیەتی ڕووداوەکە.
کامەران کەریم
تێبينيێك بنێرە: