قائیمقامیه‌ت داوا له هاوڵاتیان ده‌كات به‌وریاییه‌كی زیاتره‌وه پێداویستییه‌كانی جه‌ژن بكڕن
(0) /
زایەڵە - لیژنه هاوبه‌شه‌كانی قائیمقامیه‌تی سلێمانی ده‌ست به‌سه‌ر زیاتر له دو تۆن چه‌ره‌سدا ده‌گرن و هۆشداری به‌هاوڵاتیان ده‌ده‌ن كه خواردن و پێداویستی بێ به‌روار نه‌كڕن.
گۆران قادر، سه‌رۆكی لیژنه هاوبه‌شه‌كانی قائیمقامیه‌تی سلێمانی بەزایەڵەی ڕاگه‌یاند: له‌سه‌ر زانیاری به‌ڕێوه‌به‌رایه‌تی ئاسایشی سلێمانی و به‌هۆی نه‌بونی به‌روار و نادیاری سه‌رچاوه‌ی هاوره‌كردنه‌كه‌ی، هه‌روه‌ها نه‌شیاوی ئه‌و شوێنه‌ی كه تیایدا عه‌مبار كراوه، لیژنه هاوبه‌شه‌كانی قائیمقامیه‌تی سلێمانی ده‌ست به‌سه‌ر بڕی دو تۆن و (444) كلیۆگرام چه‌ره‌سدا ده‌گرن كه خاوه‌نه‌كه‌ی به‌نیازبوه له رۆژانی پێش جه‌ژن له بازاڕه‌كاندا ساغی بكاته‌وه.
وتیشی: به‌فه‌رمانی قائیمقامی سلێمانی ته‌وای ئه‌و چه‌ره‌سه له‌ناوده‌برێت و خاوه‌نه‌كه‌شی روبه‌ڕوی رێكاری یاسایی ده‌كرێته‌وه.
سه‌رۆكی لیژنه هاوبه‌شه‌كانی قائیمقامیه‌تی سلێمانی داوا له هاوڵاتیان ده‌كات، به‌وریاییه‌كی زیاتره‌وه پێداویستییه‌كانی جه‌ژن بكڕن و له‌كاتی به هه‌بونی گومان له هه‌ر كاڵاوشمه‌ك و خوارده‌مه‌نیه‌كی نه‌شیاودا، لیژنه هاوبه‌شه‌كان ئاگادار بكه‌نه‌وه.
بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: