![باخ: هەموو وەرزشوانەکان لە ئۆڵۆمپیکدا بەرابەرن](/files/blog/blog-1719989850dJb.jpg)
باخ: هەموو وەرزشوانەکان لە ئۆڵۆمپیکدا بەرابەرن
(0) /
زایەڵە ـــ سەرۆکی لێژنەی نێودەوڵەتی ئۆڵۆمپیک(IOC) گوتی هەموو بەشدار بووان لە ئۆڵۆمپیکدا بەرانبەرن و لە تەنیشتی یەکترەوە دەژین.
توماس باخ سەرۆکی بە ڕەچەڵەک ئەڵمانی لێژنەی نێودەوڵەتی ئۆڵۆمپیک گوتی: هەر هەموو بەشدار بووانی ئۆڵۆمپیک بێ لەبەرچاو گرتنی بیر و بڕوای سیاسی بە ڕای ئێمە وەکوو یەک وان و بەرانبەرن و دەبێ وەرزشوانان و یاریزانان ڕێزی یەکتر بگرن.
ناوبراو لە درێژەدا گوتی: هەموو وەرزشوانەکان لە شارۆچکەی ئۆڵۆمپیکدا دەبێ لە یەکتر نزیک ببنەوە، مافی سەرەکی مرۆڤ مافی ئاشتییە و لە ئۆڵۆمپیکدا هەموو وەرزشوانان بەبێ لەبەرچاو گرتنی بیر و بڕوای سیاسی و ڕوانگەی ئایینی و .... بەرانبەرن.
وتەکانی توماس باخ لە حاڵێکدا هاتە ئاراوە کە ناوبراو پێشتر لە وڵاتانی هەموو جیهان داوای کردبوو بەشداری یارییەکانی جیهانی (دۆستی) کە لە مۆسکۆدا بەڕێوەدەچێت نەکەن و چاوی لێ داخەن.
کەژاڵ حەمیدی
تێبينيێك بنێرە: