عێراق سەرکۆنەی لەشکرکێشیی تورکیا لە هەرێمی کوردستان دەکات
(0) /
زایەڵە - ئەنجوومەنى وەزاریى ئاسایشى نیشتمانیى عێراق کۆبووەوە و دەڵێت: سەرکۆنەى لەشکرکێشى سوپاى تورکیا بۆ ناو خاکى عێراق دەکەین.
ئەنجوومەنى وەزاریى ئاسایشى نیشتمانیى عێراق بەسەرپەرشتى محەمەد شیاع سودانى، سەرۆکوەزیرانی عێراق کۆبوەوە و رایگەیاند، سەرکۆنەى لەشکرکێشى سوپاى تورکیا بۆ ناو خاکى عێراق دەکەن و لەسەر تورکیا پێویستە رەچاوى دراوسێیەتى باش بکات.
دەشڵێت: لەسەر تورکیا پێویستە بەشێوەیەکى دیپلۆماسى لەگەڵ لایەنى عێراقیى بابەتە پەیوەندیدارەکان بە ئاسایشەوە چارەسەر بکات.
ئاماژەی بەوەکردووە، سودانى شاندێک بەسەرۆکایەتى راوێژکارى ئاسایشى نیشتمانیى عێراق دەنێرێتە هەرێمى کوردستان و لەگەڵ هەرێمى کوردستان تاوتوێى دۆخى ئەمنیى ناوچەکە دەکات.
جەختیشیکردووەتەوە کە شاندى ئاسایشى نیشتمانیى عێراق و هەرێمى کوردستان دەبێت هەڵوێستێکى هاوبەشیان لەسەر پێشێلکردنى سەروەرى عێراق هەبێت و سەرکۆنەى بەکارهێنانى خاکى عێراقیش دژى هەر وڵاتێکى دراوسێ دەکەن.
کامەران کەریم
تێبينيێك بنێرە: