دەست بە دابەشكردنی شەشەم بەشەئاردی هاوڵاتیان دەکرێت

Jul 12, 2024

زایەڵە - بەڕێوەبەری دروستكراوی دانەوێلە لە سلێمانی رایدەگەیەنێت،چاوەڕواندەكرێت لە هەفتەی داهاتووەوە وەرگرتنی گەنم لە ئاشەكان دەستپێبكات و راستەوخۆ دەست بە دابەشكردنی شەشەم بەشەئارد بەسەر هاوڵاتییاندا دەكرێت.
سەلام حاجی خدر، بەڕێوەبەری دروستكراوی دانەوێڵەی سلێمانی رایگەیاند، دەستكراوە بە دابەشكردنی پێنجەم بەشەئارد بەسەر هاوڵاتییاندا و لە قۆناغی كۆتاییداین و دوای ئەوەش لەلایەن ئاشەكانەوە دەستدەكرێت بۆ وەرگرتنی گەنم بەمەبەستی ئامادەكردنی بۆ ئارد.

بەڕێوەبەری دروستكراوی دانەوێڵەی سلێمانی جەختیكردەوە و وتیشی، "چاوەڕواندەكرێت لە هەفتەی داهاتووەوە وەرگرتنی گەنم لە ئاشەكان دەستپێبكات و دوای ئەوە راستەوخۆ دەستدەكرێت بە دابەشكردنی شەشەم بەشەئارد بەسەر هاوڵاتییاندا.

کامەران کەریم