![وادەی دابەشكردنی بەشێكی دیكەی پارەی گەنمی جووتیاران ئاشكرا کرا](/files/blog/blog-1720860180nH1.jpg)
وادەی دابەشكردنی بەشێكی دیكەی پارەی گەنمی جووتیاران ئاشكرا کرا
(0) /
زایەڵە - نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی هەرێم بەزایەڵەی ڕاگەیاند: لە بەغداوە بەشێكی دیكەی پارەی گەنمی جووتیاران بۆ هەرێمی كوردستان نێردراوە، كە بڕەكەی 10 ملیار دینارە، سێ ملیار دیناری بۆ هەولێرە، پێنج ملیار دیناری بۆ سلێمانییە و دوو ملیار دیناریشی بۆ دهۆكە.
ئاماژەی بەوەشدا: رێكارە كارگێڕی و داراییەكانی دابەشكردنی ئەو 10 ملیار دینارە بەرەو تەواو بوونە و لەم هەفتەیەدا دەست بە دابەشكردنی چەكەكان دەكرێت.
هەفتەی رابردوودا، چەند رۆژێك دابەشكردنی پارەی گەنمی جووتیاران راگیرابوو.
لەبارەی هۆكارەكەیەوە، نەوزاد شێخ كامیل، وتی: "ئەو پارەیەی دێت بەردەوام دابەش دەكرێت، بەڵام كاتێك پارە دەخرێتە سەر هەژماری وەزارەتمان، دواتر چەك دەكرێت و چەكەكانیش كاتیان دەوێت تاوەكوو ئامادە دەكرێن و پەسەند دەكرێت، بەڵام دڵنیایی دەدەین، پارەی گەنمی جووتیاران زۆر بە رێكوپێكی دابەش دەكرێت و كێشەی نییە.
بۆ هەر یەك تۆن گەنم بڕی 850 هەزار دینار دەدرێت و حکوومەتی عێراق بڕیاری داوە 700 هەزار تۆن گەنمی جووتیارانی هەرێمی کوردستان وەربگرێ.
کامەران کەریم
تێبينيێك بنێرە: