تورکیا دووەمین جار لەم ھەفتەیەدا سنووری چۆمانی بۆردومانکرد
(0) /
زایەڵە - سوپای تورکیا ئۆپەراسیۆنەکەی لە ئاسمانەوە بۆ قەزای چۆمان درێژکردووەتەوە و بۆ دووەمین جار لەم ھەفتەیەدا، سنووری چۆمانی بۆردومانکرد.
کامەران عوسمان ئەندامی تیمی کوردستانی عێراقی رێکخراوی (CPT)ی ئەمریکی :کاتژمێر ٥:٤٠ خولەکی ئێوارەی ئەمڕۆ، فڕۆکە جەنگییەکانی سوپای تورکیا بۆردوومانی سێ شوێنی کرد لە ناحیەی قەسرێی سەر بە قەزای چۆمان.
بۆردوومانەکان بۆ سەر بەرزاییەکانی سێکانیان، گردان و زینۆکان بوون لە کەڵەکی باڵەییان.
ئەمە دووەمین جارە کە لەم ھەفتەیەدا، سوپای تورکیا بۆردوومانی سنوری قەزای چۆمان دەکات.
بەھەمان شێوە لە ڕۆژی ٢٠ی تەمووزدا، فڕۆکە جەنگییەکانی سوپای تورکیا، بە چڕی بۆردوومانی گەڵی گەلەژێری و گردی بێرییان لە کوێستانی بەردەسپییان لە نزیک چیای گردوگۆ لە قەزای چۆمان کرد.
کامەران کەریم
تێبينيێك بنێرە: