کوردێکی سوننە دەبێتە جێگری سەرۆککۆماری ئێران
(0) /
زایەڵە - لە ئێران بۆ یەکەمین جار لە مێژووی "کۆماری ئیسلامی"، کوردێكی سوننە مەزهەب بۆ پۆستی یاریدەدەری سەرۆککۆمار دەستنیشان دەکرێت.
رۆژی دووشەممە، 26-8-2024، عەبدولکەریم حوسێنزادە، نوێنەری شارەکانی نەغەدە و شنۆ لە پەرلەمانی ئێران لەلایەن مەسعود پزیشکیان وەک یاریدەدەری سەرۆککۆماری ئێران بۆ کاروباری پەرەپێدانی گوند و ناوچە پەراوێزخراوەکان، دەستنیشان کرا.
حوسێنزادە کوردە و لە دایکبووی شاری نەغەدە و سوننەیە.
عەبدولکەریم حوسێنزادە، تەمەن 44 ساڵە و ریفۆرمخوازە و لە دوایین هەڵبژاردنی پەرلەمانی ئێران بۆ سێیەمجار بە نوێنەری شارەکانی نەغەدە و شنۆ هەڵبژێردرا.
پێشتریش حوسێنزادە ئەندامی خولی 9 و 10ی پەرلەمانی ئێران بووە و ئەندامی لیژنەی ئاوەدانکردنەوەی پەرلەمان بووە.
تێبينيێك بنێرە: