سەرۆکایەتی هەرێم لەبارەی شەهیدکردنی سەید حەسەن نەسڕوڵا هاتە دەنگ و هۆشداری دەدات
(0) /
زایەڵە - ڕاگه‌يه‌ندراوێک له سه‌رۆكایه‌تیی هه‌رێمی کوردستانه‌وه لەبارەی شەهیدکردنی سەید حەسەن نەسڕوڵا ؛
به نيگه‌رانييه‌كى زۆره‌وه له پێشهاته سه‌ربازييه‌كانى ڕۆژهه‌ڵاتى ناوه‌ڕاست و به‌ئامانجگرتنى سه‌يد حه‌سه‌ن نه‌سروڵڵا، ئه‌ميندارى گشتيى حيزبوڵڵاى لوبنانى و ياوه‌رانى ده‌ڕوانين. پرسه و سه‌ره‌خۆشى له خێزان و كه‌سوكارى شه‌هيدان ده‌كه‌ين و هاوخه‌ميانين.
ئەم پێشهاتانه مەترسییەکی جددی لەسەر ئاسایش و سەقامگیريی ناوچەکە دروست دەکەن. هۆشداری دەدەین کە بەردەواميى ئه‌م دۆخه تەنیا کارەسات و ماڵوێرانيی زیاتری بۆ هه‌موو لايه‌ك به‌بێ جياوازى لێ دەکەوێتەوە. بۆیە داوا لە هەمووان دەكه‌ين به دانايى و دانبه‌خۆداگرتن، ڕێگه له تێکچوونی دۆخەکە بگرن و سەقامگیريی ناوچەکە بپارێزن.
سه‌رۆكایه‌تیی هه‌رێمى كوردستان
2024/9/29
کامەران کەریم
تێبينيێك بنێرە: